Рускиот претседател Владимир Путин побара зголемени безбедносни мерки на мостот на Крим, стратешка инфраструктура оштетена по втор пат во украински напад и најави „одговор“ на нападот.
-Бидејќи ова е втор терористички напад на мостот на Крим, очекувам конкретни предлози за подобрување на безбедноста на оваа важна и стратешка транспортна инфраструктура, рече Путин на владината седница која се емитуваше на телевизија.
Путин рече дека едно девојче било повредено, а нејзините родители биле убиени во тој украински напад на мостот што ја поврзува Русија со Крим, полуостровот кој Русија го анектираше во 2014 година.
-Одговорот на Русија сигурно нема да изостане, министерот за одбрана подготвува соодветни предлози, рече Путин.
