Русија има само две недели да се подготви за бранот на Омикрон варијантата на коронавирус, изјави рускиот претседател Владимир Путин.

„Гледаме што се случува во светот и тоа покажува дека имаме околу две недели да се подготвиме“, рече Путин, повикувајќи на побрзо тестирање и вакцинација на граѓаните.

Повеќе од половина од Европјаните би можеле да бидат заразени со Омикрон во рок од два месеца, соопшти Светската здравствена организација (СЗО).

Русија штотуку почна да излегува од смртоносниот бран на пандемијата предизвикан од Делта варијантата на вирусот.

„Во секој случај, вакцината ‘Спутник V’ е доволно ефикасна. Можеби повеќе од другите вакцини што се користат во светот“, рече Путин на владиниот состанок пренесуван на руската телевизија.