Албанскиот премиер Еди Рама, во изјава за медиумите во Копенхаген, каде учествува на состанокот на Европската политичка заедница, изјави дека неговата земја трча кон ЕУ и дека Европа може многу да научи од Албанија.
-Во однос на процесот на пристапување, ние не чекаме, туку трчаме. Трчаме многу брзо и ќе бидеме подготвени многу брзо. Во раце на големите земји е дали ќе престанеме да чекаме или ќе нè прифатат затоа што ќе бидеме додадена вредност за ЕУ. Европа може многу да научи од Албанија. Да дејствува како едно. Да се стреми кон сè што е поврзано со безбедноста, што не се случува. И згора на тоа, не само да ја зајакне армијата, туку и да има мировен план, истакна Рама
Прашан за виртуелната министерка Диела, од кабинетот „Рама 4“, одговори дека „како различна министерка е јасно дека ќе се соочи со критики, но досега е докажано дека сè функционира како што треба“.
-Што се однесува до министерката за вештачка интелигенција, ова е нешто ново и како и сè ново, мора да се соочи со критики, што е нешто позитивно, но досега докажавме дека функционира. Започна како виртуелен асистент за јавни услуги за граѓаните и комуницираше со околу 1 милион луѓе и досега издаде 36 илјади документи со дигитален печат, што никој не го оспори. Второ, работи на пренесување на европското во нашето законодавство за да ги следи преговорите за членство на Албанија во ЕУ и трето, сега работи на јавни тендери, рече тој.
Задржувајќи се на сајбер-нападите посочи дека неговата земја продолжува да биде цел вакви напади од Иран, додавајќи дека безбедноста сè уште не е нарушена, бидејќи според него, Албанија има една од најдобрите сајбер-безбедности во Европа.
-Во однос на таргетирањето на сајбер-напади, денес имаме една од најсилните сајбер-одбрани во Европа. Иако сè уште сме цел на непријател, Иран, ние ги одбиваме и тие не успеваат да ја пробијат нашата сајбер-одбрана, нагласи Рама.
Фото: Рама ФБ
