Другари, ретко кога пишувам лично за некого, но вечерва доживеав ризична повреда поради опасно играње со човечки животи на градоначалникот на Општина Карпо, Стефан Богоев, кој по цел ден пишува дека низгорниците во Трнодол и Жданец ги поминува со некаква емулзија, за вечерва да станат опасна ледена лизгалица иако цел ден му пишуваа дека се лизга и дека треба да се реагира.
Вечерва до 19 часот околу 5 возила се пролизгаа и чукнаа, јас и неколку соседи, го слушнавме ударот, веднаш го затворивме горниот приод на низгорницата, по некое време видовме дека некои повозрасни соседи, тешко се качуваат нагоре пешки, со чести паѓања, па пробавме да дојдеме до нив, но, за жал и јас опасно паднав на глава…
Не се сеќавам на се, но знам дека по некое време со ползење стигнаа неколку соседи (Бошко, Дарко итн), лесно ме освестиле, дојдоа и други, не се сеќавам, некои беа со маска, некои без маска (да се надеваме дека не си споделивме корона) и некако ме станаа и донесоа дома.
Сега за сега сум добро, само со укочен врат и желба за промена на наспособниот градоначалник на кој му порачувам да дојде лично со неговите родители и да влезе во неговиот личен автомобил и да се симне со кола по оваа негова прскана низгорница, а ако може, нека проба после и пешки.
За крај да се молиме, деновиве да нема потреба од брза помош или против пожарно возило, другото само ќе си дојде.
