Пилотот на Вилијамс, Џорџ Расел е уверен дека Луис Хамилтон ќе се бори за титулата во 2022 година и ќе може да победи со еднакви болиди.
– Сите со нетрпение ја очекуваме следната сезона. Тркачите сакаат болидот да стане поцврст, а најдобрите да победат. Навистина мислам дека Луис е најдобриот возач бидејќи јас бев во Мерцедес и знам како работи.
Мошне често, најдобрите возачи завршуваат во најдобрите тимови. Ако сите болиди беа исти, тој сепак ќе се бореше за титулата. Нема сомнение за тоа. Мислам дека дури и тој би бил среќен со поотворено првенство, изјави Расел.
Џорџ го сподели своето мислење и за поранешниот колега од Мерцедес, Естебан Окон, кој му ја донесе првата победа на Алпин неодамна на ГН на Унгарија.
– Во клучните моменти, тој често е таму каде што е потребен. Има многу возачи во Формула 1 кои заслужуваат да победуваат на трки или да се борат за победи секоја недела. Естебан е еден од нив. За жал, сега многу луѓе ја немаат оваа можност, но одлично е што понекогаш покажуваме брзина, и ова не е само шоу на Луис и Макс, додаде Расел.
Од 2022 година болидите ќе бидат конструирани според нови прописи со цел намалување на разликите на преформансите и обезбедување порамноправна борба на тимовите.
