Луксузниот крстосувач „Оушн Експлорер“, кој оваа недела се насука на оддалечена локација на Гренланд со 206 луѓе, бил ослободен со помош на рибарски брод, соопшти денеска портпаролот на данските вооружени сили.
Портпаролот додаде дека нема повредени патници или членови на екипажот.
Бродот за крстарење се насука во понеделникот во националниот парк Алпефјорд на околу 1.400 километри североисточно од главниот град на Гренланд Нук, се вели во соопштението.
Претходно оваа недела, екипажот на бродот за крстарење се обиде сам да го извлече бродот двапати за време на плимата и осеката.
Дополнително, соопштено е дека тројца патници во бродот биле заразени со вирусот „Ковид-19“.
