Менаџерот на Лестер, Брендан Роџерс ја разбира одлуката на Хари Мегваер да ги напушти „лисиците“ и да им се придружи на „црвените ѓаволи“.
Ова лето, Манчестер плати 80 милиони фунти на Лестер, со што Мегваер стана најскапиот дефанзивец во светот.
– Тие (Ливерпул и Јунајтед) се двата најголеми клуба во Англија. Постојат и други одлични клубови, но овие два се над сите други. Кога играчите добиваат можност да одат во кој било од овие два клуба и да доживеат таков вид тензија и очекувања, и секако, со додавање на финансиската страна каде може да се удвои нивната плата, при тој сет на фактори во вашата кратка кариера и возраста на Хари, премногу е тешко да откажеш. Јас го разбирам тоа, вели поранешниот ментор на Ливерпул.
И покрај продажбата на Мегваер, Роџерс забележа одличен старт на новата сезона и неговиот тим моментно е на третото место во Премиер лигата.
