Американскиот државен секретар Марко Рубио денес, пред средбата со генералниот секретар на НАТО, Марк Руте, изјави дека целта е да се унапредат преговорите меѓу Русија и Украина и дека конфликтот нема да заврши воено, туку дипломатски.
„Оваа војна нема да заврши со воено решение, туку со дипломатско, и колку побрзо се постигне договор за завршување на оваа војна, толку помалку луѓе ќе умрат и толку помалку уништување ќе има. И на крајот на краиштата, тоа е целта на претседателот (Доналд Трамп), рече Рубио, додавајќи дека се надева на брзо решавање.
Тој нагласи дека Трамп сака страните во конфликт да се фокусираат на економијата, реконструкцијата и градежништвото, пишува на веб-страницата на Стејт департментот.
„(Трамп) беше многу јасен дека сака војната да заврши. Тој е отворен за практично секој механизам што нè води кон праведен, траен и долготраен мир, и тоа е она што тој сака да го види. Тој сака да види крај на војните, тој сака да спречи да се случат војни. Целта на НАТО е да спречува војни со својата сила, и затоа сакаме да го видиме како расте посилно, со нивоа на трошење меѓу сите партнери што им овозможуваат на сите да бидат посилни“, рече Рубио.
Тој додаде дека Трамп воспоставил соработка со новите сириски власти за да спречи понатамошен конфликт.
