Украинските вооружени сили го уништија мостот на реката Сејм во областа Курск во Русија, објави рускиот портал „Маш“. За уривањето на мостот извести и руската државна новинска агенција ТАСС.
Маш пишува дека Украинците пукале на мостот со американски Химарси и дека загинале доброволци од т.н. Народна Република Донецк.
ВСУ наносят удар по ещё одному мосту через реку Сейм в Курской обл — он находится в посёлке Званное. Сегодня его обстреливали несколько раз
Ранее ВСУ уничтожили мост в пос. Глушково pic.twitter.com/C1wTQsLpvg— olga_1205 (@k_ollga) August 16, 2024
Еден проектил погодил минибус кој бил на мостот. Двајца мажи загинале, додека третиот е ранет.
Вториот удар уништил дел од мостот, па дел од областа Глушковски е отсечена од остатокот од Русија. Маш пишува дека жителите на околу 30 населени места сега можат да бидат евакуирани само со чамци.
Претходно руското Министерство за одбрана на Телеграм објави дека руските системи за противвоздушна одбрана одбиле напад на мостот на Крим синоќа.
„Непријателот ја таргетираше областа со 12 оперативно-тактички ракети ATACMS од американско производство“, соопшти руското Министерство.
