Рускиот министер за одбрана Сергеј Шојгу изјави дека војната во Украина ќе трае најмалку до 2025 година.

„Специјалната воена операција ќе трае најмалку до 2025 година“, рече тој. „Со доследно спроведување на мерките и плановите за активности до 2025 година ќе ги постигнеме поставените цели“, вели Шојгу.

Видеото го објави Антон Герашченко, советник на украинското Министерство за внатрешни работи. „Какви цели си поставија? Руската армија целосно ќе се распадне? Ќе има „негативна офанзива“ сè до Москва? Сè што е можно ќе биде украдено од рускиот буџет до 2025 година?“ се прашува Герашченко.