САД како дел од својата стратегија за борба против кибер нападите, имаат намера да формираат меѓународна коалиција за да ги изведат пред правдата земјите во кои живеат хакери. Ова го објави државниот секретар Ентони Блинкен, говорејќи за време на сослушувањето во Комитетот за надворешни работи на Конгресот.
„Владата на САД работи на стратегија за спротивставување на вирусите со рансомвер за подобро да ги заштити нашите мрежи. Ова вклучува тесна соработка со приватниот сектор”, нагласи тој
„Ова вклучува изградба на меѓународна коалиција што ќе ги смета за одговорни државите кои кријат хакери“.
Според него, американскиот претседател Џо Бајден, за време на неговата средба со рускиот претседател Владимир Путин, ќе стави до знаење дека земјите не треба да бидат вклучени во прикривање хакери.
