Вашингтон додаде два институти за истражување при руското Министерство за одбрана на списокот за санкции, објави на својата веб-страница Министерството за трговија на САД. Документот беше објавен од Канцеларијата за индустрија и безбедност на веб-страницата на Федералниот регистар.
Овие организации се осомничени дека работат на хемиско и биолошко оружје, пренесува БГНЕС.
Наметнати се рестриктивни мерки против 33-от Централен институт за научно истражување, 48-от Централен институт за научно истражување во Киров, Сергиев Посад и Екатеринбург, како и Државниот истражувачки институт за органска хемија и технологија при Министерството за индустрија и трговија.
Во јуни, 48-от Централен институт за истражување ја тестираше руската вакцина против коронавирус за токсичност, безбедност, имуногеност и заштитна ефикасност. Првиот човек на Центарот „Гамалеја“, каде што се разви вакцината, се заблагодари на раководството и персоналот на институтот за плодната и квалитетна работа.
Вклучувањето на овие организации во списоците на американскиот Министерство за трговија значи дека американските власти наметнуваат ограничувања на извозот, ре-извозот и трансферите на стоки во согласност со постојните регулативи на лица и организации што претставуваат ризик за националната безбедност и интересите на надворешната политика на САД.
