И покрај блокадите, Македонија од ЕУ доби Извештај за прогрес во 81 отсто од поглавјата и на располагање и стојат една милијарда евра, се истакнува во денешното соопштение од владејачкиот СДСМ.
Интересно е тоа што во партиското соопштение на СДСМ, кое подолу го објавуваме во целост, името Македонија го употребува без придавката „северна“ која и ја донесе токму оваа власт, предводена од СДСМ:
Извештајот на ЕК потврдува дека и покрај блокадите и опструкциите на ДПМНЕ и Мицкоски Македонија продолжи да ги исполнува условите за продолжување на преговорите за членство во ЕУ.
Остварен е прогрес во 81% од поглавјата, а назадување нема во ниту едно поглавје. Во однос на подготвеност на поглавјата, во 90% има соодветно ниво на подготвеност.
Извештајот на ЕК јасно посочува дека главни кочничари на напредокот се Мицкоски, ДПМНЕ и Левица, а оценката за вкупната подготвеност на земјата за 2023 година е „добро ниво на подготвеност“, константa која е факт неколку години наназад.
За разлика од катастрофалните извештаи во време на ДПМНЕ за заробена држава, мешање на партијата и државата и бројни сегменти со назадување со години наназад имаме драстичен напредок.
ЕУ истовремено го објави пакетот за проширување на унијата и планот за раст на економиите на Западен Балкан.
Само со овој план на Македонија на располагање и стојат милијарда евра.
Со продолжување со реформите и со процесот на интеграција, првиот трансфер од новиот пакет ќе го имаме за пет месеци од сега.
Затоа блокадите и опструкциите на ДПМНЕ и Мицкоски мора да бидат поразени.
Центар за односи со јавноста на СДСМ
