Денеска во 11:25 часот од радарот на хрватските служби за воздухопловна навигација во поширокото подрачје на Слуњ исчезна авион „цесна 182“. Авионот летал од правец на Сплит кон Германија, јавија хрватските медиуми.
Веднаш по пријавата, во претресот на теренот се вклучиле 34 полицајци, меѓу кои и припадници на специјалната и интервентната полиција и 28 припадници на Хрватската планинска спасувачка служба кои користат дрон во потрагата.
Како што пренесува Индекс.хр спортски авион со четири патници денеска се урна северно од Раковица.
