Во 8.00 и во 8.15 часот утрово се регистрирани земјотреси со епицентри на 77 километри југоисточно од Скопје и се почувствувани во Штип и околината.
Сеизмолошката опсерваторија при Природно-математичкиот факултет соопшти дека според досегашните податоци нивните Рихтерови магнитуди изнесувале 3.1 на првиот и 2.7 на вториот земјотрес.
-Беа почувствувани од населението во Штип и околината со интензитет од III степени според Европската макросеизмичка скала, информира Сеизмолошката опсерваторија.
