Тетовска Шкендија ќе игра во Европа после освоениот бод во скоро двоипол часовното жешко дерби со Шкупи кое заврши без голови.
Срамното дерби со безброј прекини, кое имаше предигра со нападот врз фудбалерите на Шкупи пред стадионот, продолжи со дивеење на гледачите пред стартот на вториот дел кога Артид Иљази беше погоден со камен во глава, па домашните навивачи со пиротехника направија нов прекин само што почна вториот дел, за да продолжи хаосот кога помошникот беше удрен со тврд предмет, а да заврши со меѓусебна тепачка на фудбалерите на двата тима.
И фудбалот падна во сенка, а Шкендија пред крајот кога сите повеќе чекаа само за да заврши мечот, Љупчо Дориев промаши пенал, па тетовци и со бод дојдоа до недостижните плус три на коло до крајот во однос на Македонија ЃП и поради меѓусебниот подобар дуел во однос на „лавовите“ ја обезбедија Европа без оглед дали во завршните 90 минути, ѓорчепетровци би се израмните бодовно со нив.
Непримено однесување навивачите имаа и во текот на натпреварот, па од трибините во Тетово можеше да се слушнат сpамни pасистички навреди кон најдобриот играч во ПМФЛ, Сандеј Адетунџи.
Шкендија како и Академија Пандев ќе играат летоска во квалификациите во Конференциската лига, а тетовци според својот рејтинг би требало да бидат носители.
