Шведскиот парламент денеска усвои закон со кој се намалува старосната граница за операција за промена на полот од 18 на 16 години.
Според новиот закон, на оние под 18 години и понатаму ќе им треба дозвола од старател, лекар и Националниот одбор за здравје и благосостојба, пишува Асошиејтед прес.
За разлика од порано, нема да биде предуслов пациентите да имаат дијагноза на родова дисфорија, која психолозите ја дефинираат како стресно искуство на личност чиј пол не се совпаѓа со нивниот родов идентитет.
Слични закони веќе се усвоени во Данска, Норвешка, Финска и Шпанија.
