СИМЕОНОВ: Регионализација е предуслов за квалитетно здравство, штипскиот Клинички центар ќе биде една од тие регионални болници

„Повеќе од 200,000 граѓани во овој регион веќе неколку години чекаат да заврши со изградба новата штипска болница, новиот клинички центар, меѓутоа досега само ветувања, многу камери, секој министер со своја пи-ар агенда и на крајот само тапкање во место како и да е тоа е во склоп на неспособниот и распаднат здравствен систем што го имаме сега во Македонија“, истакна членот на ИК на ВМРО-ДПМНЕ др. Ристо Симеонов на денешната здравствена платформа за иднина во Штип на тема „Концепт во здравство“.

Тој продолжи и додаде дека регионализацијата е предуслов за добивање на квалитетни здравствени услуги.

„Регионализација е предуслов за добивање на квалитетни здравствени услуги во еден модерен здравствен систем тоа значи постоење на неколку регионални болници, една од тие би била и штипската болница каде пациентите ќе ги добиваат сите здравствени услуги во или блиску местото на живеење, наместо да патуваат со денови, недели, месеци по неколку пати во Скопје за прегледи, дијагностики, интервенции, терапија сите тие здравствени услуги ќе ги добиваат во регионалната болница и тие здравствени услуги ќе бидат на терциерно ниво каде ќе може пациентот да ги добие во местото на живеење односно во болницата во тој регион“, рече Симеонов.

Тој е дециден дека во вакви услови какви што има сега не може да се дадат современи здравствени услуги.

„Медицинскиот факултет во Штип е исто една добра едукативна база меѓутоа го нема тој факултет колку што знам дека во план е да се изгради нов медицински факултет над педијатрија. Во моментов во Штип студираат активно повеќе од 4,000 студенти по медицина само 10% од тие студенти да решат да продолжат со специјализација овде, тогаш за неколку години ќе има 400 специјалисти кои ќе ги покријат сите области од медицината меѓутоа за тоа потребни се современи услови, современа инфраструктура, современи оддели, квалитетна континуирана медицинска едукација и затоа 2024-2028 владата предводена од ВМРО-ДПМНЕ ќе го направи Штип столбот на здравствениот и едукативниот систем во источниот регион во Македонија.“, заклучи Симеонов.