Доналд Трамп Јуниор, најстариот син на новоизбраниот американски претседател, со својата објава ги зголеми шпекулациите дека неговиот татко по влегувањето во Белата куќа ќе го намали финансирањето на Украина, односно нејзините воени напори против Русија.

Трамп Џуниор на Инстаграм сподели видео кое го објави поранешната републиканска кандидатка за потпретседател Сара Пејлин.

„ГЛЕДИШТЕ: Уште 38 дена до губењето џепарлак“, гласи пораката на видеото на кое се гледа како украинскиот лидер стои со тажен поглед покрај новиот американски претседател.

За време на кампањата, Трамп и новоизбраниот потпретседател Џеј-Ди Венс ја критикуваа администрацијата на Бајден за трошење милијарди за воена помош за Украина. Во јуни, Трамп го нарече Зеленски „најголем трговец од сите политичари“ како одговор на напорите на Киев да обезбеди поголема американска помош.

Бајден сака да испрати повеќе од 6 милијарди долари помош

Трамп постојано тврдеше дека ќе ја заврши војната за еден ден, која започна со сеопфатната инвазија на рускиот претседател Владимир Путин на Украина во февруари 2022 година.

Во обид да ги престигне сите претстојни кратења на финансирањето на Украина, Џо Бајден се обидува да испрати повеќе од 6 милијарди американски долари помош за Киев пред инаугурацијата на Трамп на 20 јануари.

Украина користи помирувачка реторика кон Трамп во обид да обезбеди поддршка од неговата идна администрација, пишува Политико.

„Беше исклучително важно за нас во Украина и за цела Европа постојано да ги слушаме зборовите на тогашниот 45-ти претседател на САД за „мир преку сила“. Америка и целиот свет несомнено ќе имаат корист од тоа“, рече Зеленски оваа недела.