Сириските сили одбија напад со дронови од Ирак насочен кон една од последните преостанати американски воени бази во земјата, соопштил висок официјален претставник.
„Претходно денеска, американската база во Касрак, лоцирана на наша територија, беше нападната од четири беспилотни летала лансирани од ирачка територија“ напиша заменик-министерот за одбрана Сипан Хемо на X, додавајќи дека „дроновите биле соборени без жртви“.
„Го сметаме Ирак за одговорен и го повикуваме да спречи повторување на нападите кои ја загрозуваат нашата стабилност“, додаде тој.
Нападот се случи еден ден откако сириската војска соопшти дека одбила напад со дронови од Ирак насочен кон Ал Танф, база на југоистокот, во која порано беа сместени американски сили.
Проирански ирачки групи ја презедоа одговорноста за нападите врз американските интереси во Ирак и низ целиот регион, додека напади беа насочени и кон овие групи.
