Воениот комесар на руската област Хабаровск, Јуриј Лаикo е сменет од функцијата откако половина од ново мобилизираните мажи биле испратени дома бидејќи не ги исполнувале критериумите за мобилизација, изјави денеска регионалниот гувернер Михаил Дегтјарев.
Првата руска мобилизација по Втората светска војна, објавена од претседателот Владимир Путин на 21 септември, предизвика големо незадоволство меѓу официјалните лица и граѓаните поради начинот на кој се спроведува, вклучително и поплаки дека службениците за регрутирање испраќале покани до мажи кои не ги исполнуваат критериумите.
– За 10 дена, неколку илјади наши сонародници добија покани и пристигнаа во воените канцеларии. Околу половина од нив ги вративме дома бидејќи не ги исполнуваа критериумите за воена служба, изјави Дегтјарев.
Тој додаде дека смената на Лаико нема да влијае на планот за мобилизација на Путин.
