Македонија е на чекор пред млечна криза, објави ТВ Алфа во анализата за состојбите со млеко и цените во Македонија.
„Во Македонија веќе нема млеко ни за 50 денари. Ако до пред околу 1 месец можеше уште да се најде низ поевтините супермаркети, сега треба да сме среќни ако го најдеме одвај и за 70 денари. Сликата пак низ дел од супермаркетите е дежави како за зејтинот. Ги снемува од рафтовите, а се очекува пак да се појават по уште повисока цена. Фактот што млекото стана луксуз по автоматизам ги крена во плафин и цените на сите млечни производи. А за да биде апсурдот уште поголем, во Косово на пример, литар македонско млеко се продава по околу 66 денари или 1,09 евра. Дома, граѓаните се избезумени, не знаат како ќе преживеат“, се вели во анализата на ТВ Алфа.
Македонија на чекор до млечна криза. Млекото и млечните производи веќе добиваат нова, повисока цена. Поскапување има и кај сирењето, кашкавалот и јогуртот. Ако пред неколку месеци литар млеко од одредена фирма се купуваше за 35 или 40 денари, сега цената надминува 80 денари. Сирењата отидоа над 400 денари, а кашкавалите дури и над 700 денари.
Дека цената на млекото во последните 6 месеци континуирано се зголемува, потврдија млекарите, па така граѓаните треба двапати да размислат пред да го купат овој основен производ. Велат дека веќе и ништо не ги чуди. Прашуваат само како ќе се помине овој тежок период, зашто покрај млечните производи, поскапено е се и тоа за 100%.
Поскапување има и кај урдата, сирењето, јогуртот и особено кашкавалот со повисока цена, што уште повеќе ги плаши граѓаните во наредните месеци.
Во дел од маркетите повлечено од продажба е млекото кое беше со помала масленост. Полиците денеска се празни, и најверојатно кога ќе се врати, ќе биде со нова, повисока цена.
И во дел од пекарите повлечени од продажба се јогуртите и киселите млека, кои до вчера беа во фрижидерите. Денеска се целосно празни, а газдите велат дека новата роба ќе стасала овие денови.
Доволно е само да се направи обиколка низ поголемите маркети да се види дека млечните производи добиваат повисока цена. Овој Ајран кој пред некое време чинеше околу 25 денари, сега изнесува 30 денари.
Млечна криза го тресе и регионот, но за разлика од кај нас, таму државите веќе излегоа со помош за стопанството. Поради недостаток на млеко, некои од соседните земји веќе воведоа и забрана за извоз.
Растот на цените на производите ја вивна и инфлацијата до плафон. Според државната статистика само во август годинава достигна речиси 17%.
Властите до крајот на месецов најавуваат нов пакет мерки за помош на граѓаните и стопанството, но според бизнис секторот – задоцнет е.
Извор: ТВ Алфа
