Тренерот на Манчестер јунајтед, Оле Гунар Солскјер ги сподели своите очекувања за полуфиналната пресметка во Лига купот против Манчестер сити.
На претходната средба во рамките на Премиер лигата, на 7 декември, Манчестер јунајтед победи со 2:1.
– Не можете да го победите Манчестер сити два или трипати по ред со иста тактика. Затоа, треба да направиме нешто повеќе од минатиот пат. Сигурен сум дека Пеп ќе го освежи својот тим. Го гледавме нашиот последен натпревар и сме задоволни од резултатот и големиот број на шанси. Но, има работи што мора сериозно да ги подобриме. Тие ќе сакаат да ни се реваншираат. Треба да бидеме подготвени на ова, веќе покажавме дека можеме да создадеме проблеми за нив, изјави Солскјер.
Екипите ќе играат во ЕФЛ купот на 7/8 јануари и реваншот на 28/29 јануари.
