Ракометната селекција на Египет заврши на седмото место на Светското првенство во Полска и Шведска. Во последниот ден од шампионатот, „фараоните“ дури по осумдесет минути го скршија отпорот на Унгарија и со победа се одјавија од планетарниот собир (36-35, 28-28).
Зеин со дванаесет гола беше убедливо најрасположениот ракометар на паркетот. За Унгарија, пак, прв стрелец беше Бодо со седум гола.
