Постапките течат, за тие постапки ќе се разговара во органите на партијата, најважно е да се одбере најдобриот кандидат за претседател, да се одберат најдобрите кандидати за пратеници, тие коишто ќе ја побараат довербата на граѓаните, вели министерот за внатрешни работи, Оливер Спасовски, во интервју за „Гласот на Америка“.
Спасовски додава дека се работи за два спротивставени концепти со опозицијата, но рече дека тој самиот силно ќе се бори за проевропскиот концепт.
Да има јасна перспектива за граѓаните, јасни очекувања за граѓаните што е тоа што може да се случи, ви за ви концептот којшто го застапува опозицијата во којшто не знаете дали посакуваат да одиме напред кон Европската Унија или ќе се вратиме назад кон времето на Груевски и ВМРО-ДПМНЕ итн, посочи Спасовски.
