Во Македонската опера и балет денеска (среда, 14 ноември) ќе биде прикажана балетската претстава „Клеопатра“ на кореографот Василиј Медведев.
– „Клеопатра“ е грандиозна постановка, разнобојно дело што во многу аспекти ги надминува рамките на класичниот балет. Македонската публика ќе има уникатна можност да го проследи балетот кој се уште не е поставен во друг театар во светот, да помине незаборавна вечер во магичниот свет на Римската Империја и танците на антички Египет, соопштија од МОБ.
За балетската претстава, специјално компонираната музика е на авторката Нерија Голдберг од Литванија, сценограф, односно костимограф е Павол Јураш од Словачка, а либретото е на Јана Темиз од Турција.
