Денеска претседателот на ВМРО-ДПМНЕ Христијан Мицкоски, заедно со потпретседателот на ВМРО-ДПМНЕ г. Александар Николoски оствари средба со Сирил Бомгартнер, амбасадор на Република Франција.
При средбата се отворија повеќе теми, при што се говореше и за актуелната политичка состојба во Република Македонија и за интеграциите на државата во ЕУ.
Претседателот на ВМРО-ДПМНЕ, Христијан Мицкоски се осврна и на економските предизвици при што укажа загриженост и за енергетската криза чии последици се од неадекватното управување на политиките, а тоа го чувствуваат граѓаните на својот грб.
При средбата претседателот на ВМРО-ДПМНЕ посочи дека актуелната влада нема капацитет да се носи со предизвиците со кои се соочуваат граѓаните. А, со тоа се наметнува потребата за предвремени парламентарни избори како излез од актуелната криза.
Државата не смее да стане заложник на лошите политики на власта и притоа да биде заглавена во чекалницата на ЕУ и жртва на спорот со Бугарија создаден во време на владата на Зоран Заев, додаде Мицкоски.
