Американскиот Стејт департмент објави дека доделил 250 милиони долари (околу 218 милиони евра) на Министерството за внатрешна безбедност на земјата, наменети за доброволни депортации на мигранти без легален статус.
Како што изјави портпаролот на Стејт департментот за Ројтерс, парите биле префрлени „за да се обезбедат бесплатни летови, сместување и бонуси за излез за да се охрабрат и помогнат нелегалните странци доброволно да ги напуштат Соединетите Американски Држави“.
Како што рече поранешната заменик-помошничка на државниот секретар Елизабет Кембел, историски гледано, овие средства претходно се користеле „за обезбедување заштита на ранливите луѓе“ во странство и за преселување на бегалците во Соединетите Држави.
Стејт департментот соопшти дека неговото биро за бегалци сега ќе се фокусира главно на напорите за „враќање на нелегалните странци во нивните земји на потекло“.
