Според календарот на МПЦ денеска е Св. апостол Карп.
Овој апостол беше еден од 70-мината што Христос ги избра непосредно за свои апостоли покрај 12-те први апостоли. Неговиот живот беше тесно врзан за апостолот Павле. Бил епископ на македонскиот град Бер, но проповедал и на островот Крит. Пострадал од Евреите.
Според католичкиот календар, пак, денеска е Св. Медард.
Роден е во местото Вермандоису, во француската покраина Сент Куентин. Од својата најрана возраст сакал да стане свештеник. Уште пред да се одлучи да живее свештенички живот, во младоста имал способност за претскажување, така што на својот соученик Елеутериј му рекол дека на 30-годишна возраст ќе стане бискуп во местото Тоурнаиј. Тоа и се случило.
Откако станал свештеник, Медард им помагал на луѓето. Подоцна станал и бискуп и во таа служба останал 15 години, се до својата смрт во 560 година. Според една легенда, доколку на неговиот празник врне дожд, постои верување дека во следните 40 денови времето ќе биде врнежливо.
