Кина вчера испрати 28 воени авиони во зоната за идентификација на тајванската противвоздушна одбрана (АДИЗ), соопшти денеска тајванското Министерство за национална одбрана, додавајќи дека тоа е најголемиот ваков упад досега.
Бројот на кинески воени авиони што во вторникот упаднаа на тајванскиот АДИЗ очигледно го надмина претходниот рекорд од 12 април, кога во нашата зона влегоа 25 авиони.
Кинеската операција беше спроведена само неколку дена откако самитот Г7 во Англија ја истакната важноста на мирот и стабилноста околу Тајванскиот теснец и го потикна мирното решавање на прашањето меѓу Кина и Тајван.
Државната централна агенција на Тајван (ЦНА) го информирала портпаролот на Пентагон, Џон Супле, дека растечките воени активности на Пекинг во близина на Тајван се дестабилизирачки. Судле возврати дека мирот, безбедноста и стабилноста во Индо-пацифичкиот регион се во интерес на САД, објави ЦНА.
Тајван има независна влада од 1949 година, но Кина смета дека овој остров е дел од нејзината територија.
