Докажаната пејачка на македонски изворни и новокомпонирани песни, Блага Петреска, пред камерите е секогаш насмеана и весела, но низ годините се соочувала со тешки животни предизвици за кои многу ретко зборувала во јавноста. Била многу млада кога починал нејзиниот сопруг и никогаш повторно не се омажила.
– Мене ми се случи вистинска љубов и две деца од истата. Кога останав сама одлучив да не ги повредам моите деца затоа што тие многу го сакаа татка си. Сите тројца седнавме и се договоривме дека јас ќе работам и хонорарно за ништо да не им фали, само да учат, да завршат факултет.. Така и бидна, вели пејачката.
Таа додава дека децата се гордеат со мене и таа со нив.
-Мојот син, веќе сите го познавате, е извонреден професор, диригент и среќно оженет со исто така извонредна вилионистка со потекло од Русија која сега е права Македонка. Ќерката и зетот исто така среќни живеат во странство. Имам три внуки и еден внук. Што друго би посакала – раскажува Петреска за „Свет Австралија“.
