Полските власти забранија капење на повеќе од 50 плажи на Балтичкото Море, бидејќи топлото време довело до пораст на токсични бактерии во морската вода.
Капењето е забрането на местата каде се намножени зелено-кафени колонии цијанобактерии, кои претставуваат закана по здравјето.
Регионалните здравствени власти предупредуваат дека бактериите можат да предизвикаат алергија и осип. Додека внесувањето на контаминирана вода може да предизвика сериозни стомачни проблеми.
Таков интензивен раст на цијанобактерии во Полска не е забележан во последните 12 години. Причина за тоа се високите температури на воздухот од 34 степени Целзиусови, што ја зголеми и температурата на водата во Балтичко Море.
