Администрацијата на американскиот претседател Доналд Трамп денес објави дека генералот на американските воздухопловни сили Алексус Гринкевич е номиниран за следен Врховен командант на сојузничките сили на НАТО и началник на Европската команда на САД.
Ројтерс објави дека одлуката Гринкевич да ги преземе овие позиции ќе ги намали загриженостите меѓу европските сојузници на НАТО за наводната намалена улога на САД во раководството на Алијансата.
Двете номинации мора да бидат потврдени од американскиот Сенат.
