Американскиот претседател Доналд Трамп денеска изјави дека сака Индија и Пакистан да престанат да се напаѓаат едни со други и понуди да им помогне на двете земји да ги надминат своите разлики. „Сакам да го видам запрено.“
„И ако има нешто што можам да направам за да помогнам, ќе бидам тука“, рече Трамп за време на брифингот со новинарите во Овалната соба на Белата куќа.
Зборувајќи за потенцијален нов предлог за договор за ослободување на израелските заложници и прекин на огнот во Газа, тој рече дека ќе објави повеќе информации во четврток.
„Во моментов се зборува многу за Газа. Веројатно ќе знаете во следните 24 часа“, рече Трамп.
Кога станува збор за депортацијата на мигранти од Соединетите Американски Држави во Либија, тој рече дека не знае дали тоа всушност се случува.
„Не знам. Ќе мора да го прашате Министерството за внатрешна безбедност“, одговори Трамп на новинарско прашање за мигрантите.
