Поранешниот американски претседател Доналд Трамп денеска изјави дека Кина нема да се осмели да го испровоцира доколку победи на изборите, бидејќи претседателот Си Џинпинг знае дека е „луд“.
Во изјавата за уредничкиот одбор на Волстрит журнал, Трамп рече дека доколку биде избран за претседател следниот месец, ќе воведе драконски царини за Кина ако се обиде да го блокира Тајван.
„Би им рекол: Ако одите во Тајван, извинете што морам да го сторам тоа, но ќе ве оданочам од 150 до 200 отсто“, рекол Трамп, пренесе Би-би-си.
Во текот на кампањата, Трамп постојано повторуваше дека американските противници нема да дејствуваат против американските интереси доколку тој е претседател, бидејќи би се плашеле од силен, па дури и непредвидлив одговор.
Тој изјави за Вол Стрит Журнал дека нема да има потреба да користи воена сила за да спречи блокада на Тајван бидејќи „кинескиот претседател Кси го почитува и знае дека е луд“.
Со ветувањата дека ќе води трговски војни и ќе стави крај на вмешаноста на САД во руско-украинската војна, Трамп ја ребрендираше својата надворешна политика како „Америка на прво место“ и ги отфрли критиките дека тоа е изолационистичка политика.
