Американскиот претседател Доналд Трамп изјави дека „Америка е нација на верници“, повикувајќи, во своето велигденско обраќање до Американците, верата да ја води земјата низ тешките времиња.
„Потребен ни е Бог. Го сакаме Бога. И со негова помош ќе ја направиме нашата нација посилна, побезбедна, поголема и попросперитетна и многу пообединета од кога било досега“, рече тој, посакувајќи им на сите христијани среќен, убав и благословен празник.
Трамп зборуваше за Велигден како симбол на обнова и божествена љубов, истакнувајќи го воскресението на Исус како момент кој засекогаш ја промени историјата и го понуди ветувањето за вечен живот.
Обраќањето се одржа на Велики петок, кој се одбележува распнувањето на Исус и е еден од најзначајните денови во христијанството.
Претходно, Њујорк Тајмс со малку критички тон напиша дека молитвите и христијанските ритуали станаа редовна појава во Белата куќа откако Трамп стана нејзин жител. Исто како што неговата нова Канцеларија за вера во Белата куќа има посебна канцеларија во Западното крило.
Постоењето на канцеларија во Белата куќа посветена на религиозни прашања датира од раните 2000-ти и од мандатот на претседателот Џорџ Буш. Канцеларијата, која првично работеше на насочување на федералните средства кон религиозните групи за давање социјални услуги, продолжи со својата работа во различни форми. Но, новата администрација на Трамп ја промени својата мисија и име за да и даде приоритет на самата вера.
Тие исто така не потсетуваат дека Трамп им ветил на гласачите дека ќе ги врати христијанските вредности, што сега го прави, на ужас на „Њујорк Тајмс“.
Во написот се наведува и дека минатата година Велигден се празнувал на 31 март, кој се одбележува и како Ден на видливост на трансродовите лица.
На тој ден тогашниот американски претседател Бајден даде изјави во кои го честиташе и го одбележа и христијанскиот празник и Денот на трансродовите, што предизвика бурни реакции кај христијаните кои го прославуваа својот најголем празник.
