Трамп се закани дека ќе ја затвори границата со Мексико, ако не ја запре илегалната имиграција

Американскиот претседател Доналд Трамп денеска се закани дека ќе ја затвори границата со Мексико следната недела.

Тој истакна дека ќе ја затвори целата граница или голем дел од неа, доколку Мексико не ја запре илегалната имиграција од регионот кон САД.

Трамп нагласи дека САД губат многу пари поради Мексико, доколку се има предвид шверцот на дрога.

Американскиот претседател ја даде денешната изјава по информациите дека се движи нов карван со мигранти од Централна Америка кон САД. Повеќето од мигрантите не се Мексиканци, но минуваат транзит преку Мексико.

Мексиканскиот претседател Андрес Мануел Лопес Обрадор изјави вчера дека навистина постои таков проблем, но потенцира дека неговата земја не е одговорна за тоа.