Претседателот на Соединетите Американски Држави, Доналд Трамп, денес објави дека неговата администрација ќе воведе царина од 50 проценти на бразилските производи извезени во Соединетите Американски Држави, почнувајќи од 1 август.
Трамп ја донесе одлуката во писмо објавено на социјалната мрежа Truth Social до бразилскиот претседател Луиз Инасио Лула да Силва, во кое наведува дека новата царина ќе биде воведена „независно од постојните секторски царини“.
Во истата порака, американскиот претседател изрази поддршка за поранешниот бразилски претседател Жаир Болсонаро, нагласувајќи дека начинот на кој Бразил се однесува кон него е „меѓународен срам“, додавајќи дека овој таканаречен „лов на вештерки“ мора веднаш да престане.
Трамп постојано ги критикуваше земјите од БРИКС, во кои Бразил игра значајна улога, обвинувајќи ги за економски политики кои, според него, го нарушуваат балансот на глобалната трговија на штета на САД,
