Американскиот претседателски кандидат Доналд Трамп изјави дека Америка треба да се повлече од војната во Украина. За време на еден од митинзите во Џорџија, политичарот ги обвини Џо Бајден и Камала Харис дека „не можат да нè извлечат“ од војната. Гледав сè. „Ќе победиме. Ќе победиме“, вели Бајден веќе три години, рече Трамп, цитиран од Си-Ен-Ен.
Тој повторно го нарече украинскиот претседател Володимир Зеленски „најдобриот бизнисмен на земјата“, кој добива помош за Украина секој пат кога ќе ги посети Соединетите Држави.
„Заглавени сме во оваа војна. Ако сум претседател, ќе преговарам. Ќе излезам од таму. Мораме да излеземе. Бајден вели: „Нема да заминеме додека не победиме. А, што ќе стане ако победиме? Тие тоа го прават, прават војни. Како што ми кажа некој пред некој ден, Русите го победија Хитлер, го победија Наполеон. Така прават, се борат. И тоа е непријатно”, рекол Трамп за Русија.
