Турција оваа година депортирала 119.817 илегални мигранти, бидејќи нејзините напори за борба против илегалната миграција продолжуваат со несмалено темпо .
Тоа е најголемиот број на депортации во историјата на Турција, се вели во соопштението на Канцеларијата за управување со миграцијата на турското Министерство за внатрешни работи.
Бројот на депортирани е зголемен за 159 отсто во однос на истиот период во 2021 година. Бројот на илегални мигранти депортирани од 2016 година достигна 445.326.
На повеќе од 2,7 милиони илегални мигранти им е одбиен влез во Турција од 2016 година, а овогодинешната бројка изнесува 274.311.
