Убиецот на Росица, Илија Стефановски пред неколку години бил промовиран од Музејот на современа уметност.
Иако уште тогаш имало информации и јавно предупредување дека Стефановски има проблеми со насилство врз жени и има пријави против убиецот кој ја усмрти велешанката Росица и нејзиниот татко, Музејот на современа уметност решил негови дела да бидат презентирани пред јавноста која можела да ги купи во 2021 година.
Оваа културна институција на 15 Мај 2021 година објавила дека во книжарницата на Музејот на современа уметност – Скопје достапни се продуктите на [0.10]error of harmony, проект на Илија Стефановски, кој го користи скејтбордингот и „скејтерскиот лајфстајл“ како елемент за да се искритикува/искоментира општествено социјалниот момент, но и да се претстават инакви гледишта преку архитектура, визуелни уметности (видео, фотографија, илустрација, инсталации…), музика и модни парчиња. „Еррор-от“ при создавањето е појдовна точка и момент на инаквост и ненаметливо гледање на светот.
Иако два месеци претходно луѓе кои се дел од уметничките кругови блиски на МСУ предупредиле дека се работи за човек кој има проблеми со насилство врз жени раководството на Музејот на современа уметност решило Стефановски да ги промовира своите продукти во јавната културна институција.
Во тој период директорка на МСУ е Мира Гаќина. Таа како кадар на СДСМ била директорка од Мај 2017 кога ја именувал екс министерот за култура Роберт Алаѓозовски се до 2023 кога си дала оставка.
Како раководството на МСУ пред 4 години го промовирало творештвото на Стефановски:
„Употребата на [0.10] во насловот на брендот е инспирирано од конструктивистичко/супрематистичкото движење и естетика и ја пренесува идејата дека секоја „грешка“ може да претставува почеток од 0 и нов правец при создавање на нешата.
Целта на овој проект е да пренесе порака и да се разбуди свеста помеѓу граѓаните, особено помеѓу помладите, но и да се претстави малку поразлично гледање на работите преку овие медиуми, кои се дирекно поврзани со скејт културата. Заедно со артисти, кои се дел од „еррор колективот“, создадовме бренд, кој има за цел, пред се да ја поддржи домашната, потоа и балканска скејт сцена, преку спонзорирање млади таленти и организација настани од различен карактер, како платформа за изразување на различни профили уметници. Колекциите се дирекно инспирирани од градот и архитектурата, социјално – општествените актуелни случувања, правата на човекот, родовата еднаквост…
Парчињата облека и аксесоари, кои се наоѓаат во продавницата на МСУ, се одликуваат со минималистички дизајн, ја претставуваат уличната и скејт култура и нивниот стил на живот. Станува збор за лимитирани парчиња од кои профитот дирекно се вложува за поддршка на сцената и создавање нови проекти од овој карактер.
Заедно со дизајнерските парчиња ќе можете да најдете и книги за скејтборд и сурф културата.
error kolektiv
0.10error of harmony“, пишува во објавата на МСУ која промовирала тогашен насилник а сега убиец.
