Украина денеска ги повика монголските власти да го уапсат рускиот претседател Владимир Путин по наредба на Меѓународниот кривичен суд за време на неговата посета на 3 септември, додека Кремљ соопшти дека нема загриженост за патувањето.
„Ги повикуваме монголските власти да ја почитуваат задолжителната меѓународна потерница и да го префрлат Путин на Меѓународниот кривичен суд во Хаг“, соопшти украинското Министерство за надворешни работи во Телеграма.
Портпаролот на Кремљ Дмитриј Песков изјави дека Русија има „одличен дијалог со пријателите во Монголија“, пренесува Ројтерс.
Во вторник, 3 септември, рускиот претседател Владимир Путин оди во Монголија, земја членка на Меѓународниот кривичен суд (МКС) и која поради тоа е обврзана да го уапси на нејзина територија врз основа на налог за апсење издаден во март 2023 година за илегална депортација на украински деца.
