Украина: Министерот Омелјан вети дека со сојузниците со тенк ќе влезе во Москва, Русите на „огнот“ одговорија со иронија

Украинскиот министер за инфраструктура, Владимир Омелјан, коментирајќи ја иницијативата за единствен транспортен простор со Русија, денеска изјави дека ќе влезе во Москва со тенкови.

– Дефинитивно ќе ја посетам Москва, но со тенкови, заедно со сојузниците, рече тој.

Портпаролката на руското МНР Марија Захарова кусо време потоа го коментираше ветувањето на украинскиот министер.

– Драг пријателе, таа Москва во која вие ќе влезете заедно со сојузниците на тенкови, се наоѓа во американската држава Ајдахо (градот Москоу). Така што напред и со песни !, напиша Захарова на Твитер.

Рускиот сенатор Алексеј Пушков исто така одговори на украинскиот министер, потсетувајќи го дека и Адолф Хитлер имал „сериозни намери да влезе в Москва“.