Украинскиот министер за одбрана Олексеј Резников во интервју за естонската телевизија сугерира дека Украина би можела да започне офанзива во април или мај, користејќи тенкови испратени од Западот.
Резников рече дека тенковите Леопард од германско производство, кои почнаа да пристигнуваат во Украина, ќе бидат дел од „контраофанзивната кампања според одлуката на нашиот Генералштаб, кој ја планира во различни насоки“.
„Ќе зависи од најдоброто време. Ќе зависи од временските услови. Во текот на пролетта нашата почва е доста влажна. Можете да користите само возила со гасеници, на пример. Мислам дека ќе ги видиме тенковите во текот на следните два месеци. Мислам април и мај“, рече Резников на англиски.
