ТВ АЛФА
СДСМ падна толку ниско што, во целосно отсуство на аргументи, почна јавно да коментира, интерпретира и спинува приватни статуси на новинари на социјални мрежи. Тоа не е политичка дебата. Тоа е очајнички обид за дефокус.
Текстот што СДСМ го злоупотребува не е колумна, не е уредувачка политика и не е став на ТВ Алфа. Станува збор за личен статус на социјална мрежа, кој намерно се вади од контекст за дневнополитички потреби.
Таквото однесување е класичен пример на манипулација и притисок врз новинарите и медиумите.
Фактот што СДСМ се впушти во политичка анализа на приватни статуси е јасен сигнал дека партијата влезе во опасна фаза: директно таргетирање и јавно етикетирање со цел заплашување и замолчување. Тоа нема врска со демократија, туку со авторитарни тенденции.
Со ова СДСМ не одговори на ниту едно суштинско прашање. Наместо демант на сериозните и јавно изнесени обвинувања на д-р Жан Митрев, добиваме спинови, конструкции и теории на заговор.
Ниту една политичка партија нема право да одлучува кој што смее да мисли, пишува или објавува на свој личен профил.
Наместо да спинува статуси, СДСМ треба да одговори:
– Дали обвинувањата на Жан Митрев се точни или не?
– Ако не се, каде се фактите?
– Ако се, кој ќе сноси одговорност?
Сè друго е дефокус и паника.
ТВ Алфа нема да молчи.
Нема да се повлече.
СДСМ со ова соопштение уште еднаш покажа дека не знае да се соочи со прашања кои сериозно го компромитираат неговото раководство.
Да биде јасно:
ТВ Алфа не добива инструкции од партии.
ТВ Алфа не учествува во кампањи.
ТВ Алфа не служи како ничиј мегафон.
ТВ Алфа не подлегнува под притисоци.
Слободата на медиумите не зависи од волјата на СДСМ.
Слободата на медиумите е уставна категорија и темел на демократијата.
Оваа реакција на ТВ АЛФА доаѓа по денешното соопштение на СДСМ:
Соопштение за јавност
По неуспешната акција на Жан Митрев, во рамки на црната кампања на ВРМО за јавен линч, денеска новинар од Алфа Телевизија објави колумна- текст против СДСМ и претседателот Венко Филипче.
Во оваа колумна стои, цитираме: „Мислам на едноставниот факт дека Трамп е на позиција претседател на САД и поради тоа, што исто така е голема грешка, може да си дозволи луксуз да се конфронтира со….па со кого сака по се изгледа.“ Според него, голема грешка било што е Трамп на позицијата претседател на САД.
Во истиот овој текст ѝ советува на СДСМ да ѝ се извини на Алфа додека го брани Геро: „Новинарот Бранко Героски го развлекуваат“.
Кого всушност брани? Човекот кој се крие зад новинарска легитимација и зад слободата на говорот за да плука отров врз СДСМ, членовите и претседателот на партијата.
Со ова Алфа Телевизија целосно застана зад навредите на Геро, како што се на пример: „скотови“ „будали“ „штабот на будалите“ „Венко, ти си будала!“„овие од Бихаќка да јадат лајна колку сакаат“ „имате уште гомна за јадење, шапшали?“ или заканите како „Ве чекам на нишан“.
Кога Геро зборуваше за себе дека е Алфа мислевме дека погрешил, тој навистина е дел од проектот Алфа спонзориран од Алта. Он сепак е Алфа-Алта.
Дури и логотипот на Алфа и Алта се толку идентични, облик, знак, боја.
Дали затоа Алфа ТВ го смени логото, бојата и изгледот?
Случајно?
Сега е сè кристално јасно.
Црната кампања и јавниот линч доаѓа од еден ист центар – ВМРО, Алфа се само извршители.
Сè е поврзано.
Откако не успеаја акциите со Дубаи, зграда од 42 ката, Сент Мориц. Следуваа неуспешните акции со квислингот Деспотовски, во координација со Геро и Ивона Талеска, позната по врските со Латас.
Не беа случајни ниту лажните вести дека претседателот Филипче имал куќа во Нерези, токму од Алфа ТВ.
Последното сценарио е со лагите на Жан Митрев.
Намерно планирани и објавени на емисијата кај Богдан Илиевски. Каде? На Алфа ТВ.
Во истата емисијата, гостува и Стоилковиќ, познат по дружбите со ноќните волци, да ги правда врските со СНС на Вучиќ и да го напаѓа претседателот Филипче.
Познавајќи ја историјата на Алфа ТВ од времето на Никола Груевски очигледно е дека се вратени во тоа време.
Точно после 10 години се враќаат во црните денови на црни кампањи, злоупотреба на медиумите за политичка пресметка со опозицијата и јавен линч.
