Напаѓачот на Ватфорд, Дани Велбек, може да отсуствува неколку месеци, поради повреда во областа на адукторите.
Велбек се повреди рано во ремито 1:1 во Премиер лигата против Тотенхем минатиот викенд, кога беше принудно заменет во четвртата минута.
Менаџерот на тимот, Кике Санчез Флорес објасни дека повредата е сериозна и сè уште не е јасно колку време ќе трае за да се опорави напаѓачот, но тој ќе биде аут „поскоро месеци, отколку недели“.
Дваесет и осум-годишниот Велбек, кој има натпревари во репрезентацијата на Англија, неодамна се врати во игра по долгата повреда на глуждот. Ватфорд е последен на рангот на англиската фудбалска елита и сè уште нема победа по девет кола.
Добрата вест за Флорес е поврзана со враќањето на напаѓачот Трој Дин, кој се опоравува од операцијата на коленото.
