Вегански активисти во Австралија се обвинети за „заплашување на ученици откако ‘печеа’ куче на  сред прометна улица во знак на протест поради консумирање на месо.”

Протестот на ПЕТА, кој вклучуваше и реквизит куче, беше замислен да предизвика гнев и да ги натера луѓето да се запрашаат: „Ако не би јаделе куче, зошто би јаделе јагне?”

Тие велат дека подеднакво чувствителни и интелигентни животни се принудени да страдаат кога се одгледуваат, хранат и убиваат за месната индустрија. Во соопштението, Здружението за заштита на животните вели: „Секој на кој му е одбивна идејата за џвакање кучешко месо треба да размисли за нескладно сочувство кон другите животни”.

Тие додаваат дека ова е форма на дискриминација се темели на видот и дека, како и сите други форми на дискриминација, не може да се оправда. „Како луѓе, инстинктивно чувствуваме сочувство кон животните, но научивме дека е во ред да грабиме и да јадеме некои од нив, без да размислуваме кои се тие како поединци”.

Перформансот беше изведена во центарот на Сиднеј, додека милиони Австралијци се подготвуваат за прославите на Денот на Австралија, кои секоја година го слават на 26-ти јануари, а оваа година паѓа во сабота.

ПЕТА се надева дека луѓето ќе размислат што ќе подготваат на скара откако ќе го видат готвачот како „го пече домашното милениче со некој зеленчук”.

Но, многумина беа згрозени од протестот, а некои сметаат дека ПЕТА не можела да падне пониско. Сведоците тврдат дека исплашените деца биле шокирани од глетката.