Љубљанскиот весник „Словенец“ од 1903 година пишува дека „во 1903 година европската јавност презела повеќе акции во полза на Македонија“.
„Благороден потфат презеле и руските писатели меѓу кои и Лав Николаевич Толстој и Максим Горки. Тие планирале да издадат „Албум за Македонија и животот во неа“, објавува „Словенец“ во вест од 23 март 1903 година.
Во оваа објава, што ја преземаме од „Македонија вистинска приказна“ од Фејсбук натаму пишува:
„Албум за Македонија и животот во неа” на 1.500 страници имаат намера да издадат руските писатели. Ќе учествуваат и Лев Толстој и Максим Горки. Се смета дека со тоа македонските маченици ќе добијат 20.000 рубли. Исто така во полза на Македонците јавни предавања ќе се одржуваат низ цела Русија“, пишува „Словенец“.
(Slovenec, бр. 66, 23 март, 1903, стр. 4)
