Бандата Hellbanianz живее на имотот Гаскоин во Баркинг, Англија, а членовите често ги прикажуваат своите криминални подвизи на социјалните мрежи, пишуваат британски медиуми.

За да ја зголемат својата озлогласеност, гангстерите од источен Лондон честопати се фалат со фотографии со автомобили, пари и пиштоли на Instagram.

Долгогодишната жителка Дејзи О’Доерти вели дека членовите на Hellbanianz намерно се однесуваат на застрашувачки начин за да ги исплашат локалните жители, според британски Мирор.

Бандата се здоби со слава во 2017 година, откако членовите почнаа да објавуваат рап видеа во кои се фалат со парите што ги заработиле од дилање дрога и други криминални активности.

MyLondon известува дека пред неколку месеци, О’Доерти се разбудила од силното лаење на нејзиното куче доцна во ноќта, пред ситуацијата да стане „непријатна“.

– Кучето беше навистина нервозно околу два часот наутро, и моите мачки беа исплашени, но на почетокот тоа си го објаснив со фактот дека се спасени од улица и беа генерално исплашени, рече таа.

И продолжува:

– Слушнав бучава надвор и кога ја отворив влезната врата надвор стоеше полицаец со пиштол и кучиња. Ми викаше: ‘Влезете внатре!’. Никогаш не сум видела такво нешто во мојот живот, вели таа.

Жителката на Баркинг подоцна дознала дека рацијата била дел од полициска операција чија цел била да се изврши операција „rent-a-gun“ во југоисточна Англија.

Десет лица беа уапсени за прекршоци, вклучително и заговор за поседување огнено оружје со намера да го загрози животот и заговор за извршување на тешка телесна повреда со умисла.

О’Доерти објасни дека жителите како неа научиле да живеат заедно со членовите на бандата Hellbanianz.

– Постојано слушате или автомобили како нагло сопираат, или луѓе како се расправаат, пуштаат гласна музика од автомобилите и многу гласно разговараат во ниедно време. Сето тоа се прави со причина, вели таа.

Навистина, додава таа, има многу причини за загриженост ако живеете тука сега, таков е животот, постојано има заплашувања.

– Особено кога си бела жена која живее сама во општинскиот имот. Јас сум цел, без сомнение. Нема толку многу луѓе кои живеат тука долго време и мислам дека планот е да ја пропаднат населбата, да ги натераат луѓето да ги продадат становите евтино, за да можат гангстерите полесно да ја преземат населбата, смета таа.

О’Доерти тврди дека нарко бандите на имотот ги таргетирале луѓето со празни соби за да ги продадат.

Таа рече дека проблемот го надминува насилното преземање на домовите на ранливите луѓе за да се користат за криминални активности – и дека ситуацијата влијаела на луѓето кои инаку не би биле цел на банди.

Видеото може да го отворите ТУКА.