На раскрсницата меѓу улиците Мирамарска и Вуковарска, во Загреб, деновиве загрепчанка била нападната од гаврани. Случајно од настанот има и видео запис.
Нападаот од овие птици, како што пишува Дневник.хр, се случил неделава, а снимките ги објави и радио Антена Загреб на својата Фејсбук страница. За среќа, жената не е повредена, но вакви напади во овој дел од годината се вообичаени.
Во периодот од април до август е период од годината кога гавраните несат јајца и имаат малечки во гнездата, па се многу осетливи на присуство во близина. Секое приближување го доживуваат како загрозување и го бранат гнездото.
Се проценува дека во Загреб има околу 10 илјади гаврани.
Иако стручњаците тврдат дека овие птици напаѓаат само ако се загрозени, понекогаш и оваа изразито интелигентна птица умее да погреши.
Во изминатите години, во овој период, слични напади од гаврани беа забележани и во Скопје.
